Хямд хүнсний далд эрүүл мэндийн эрсдэлийг судалгаа илрүүлжээ

Yuka болон Харвардын Хуулийн сургуулийн Хүнсний хууль, бодлогын клиникийн саяхны судалгаагаар АНУ-д хямд хүнсний бүтээгдэхүүн нь үнэтэй бүтээгдэхүүнээс илүү эрүүл мэндэд сөргөөр нөлөөлдөг орц найрлага агуулах магадлал өндөр байна. Энэхүү судалгаа улс даяар борлуулагддаг 800 гаруй савласан хүнсний бүтээгдэхүүнд дүн шинжилгээ хийж, хамгийн хямд бүтээгдэхүүн нь хамгийн үнэтэй бүтээгдэхүүнээс 163 хувиар илүү нэмэлт бодис, 21 хувиар илүү элсэн чихэр, 10 хувиар илүү натри агуулдаг болохыг тогтоосон. Зарим бүтээгдэхүүнд бусад улс оронд хориглосон орц найрлага агуулагддаг гэж тайланд дурдсан. Эдгээр бүтээгдэхүүн нь АНУ-ын томоохон хүнсний дэлгүүрүүдэд улс даяар борлуулагддаг Yuka аппликейшны хамгийн түгээмэл 12 төрлийн боловсруулсан хүнсний ангилалыг хамардаг. Тайлангаас үзэхэд, ангилал бүрийн бүтээгдэхүүний тэжээллэг чанар нь ихээхэн ялгаатай байх ба хамгийн хямд талхнууд хамгийн үнэтэй талхнуудаас дөрөв дахин их нэмэлт бодис агуулдаг. Эдгээр үр дүн нь АНУ-ын хүнсний системд хоол тэжээлийн тэгш бус байдал шингэснийг харуулж, хоол хүнстэй холбоотой өвчинд жил бүр 1 их наяд гаруй ам.доллар зарцуулдгийг тайлбарлахад тусалдаг гэж тайланд өгүүлсэн. Эдгээр бэрхшээлийг даван туулах гол саад тот…